Andrezaharraren manifestua (Mari Luz Esteban)

Andrezaharraren manifestua (Mari Luz Esteban)

2020/05/25 | Liburu gomendioak

Mari Luz Esteban ezaguna da mugimendu feministan bere saiakerei esker. Oraingo honetan, bere pentsamendua olerkia bilakatzen, bere alde poetikoa ezagutzeko aukera dugu.Liburuaren tituluak -Andrezaharraren manifestua – liburuaren gaia nondik nora doan idarokitzen digu.

Emakume helduak, urteetan sartuak, muzin egin behar dio bizitza beteari? Ez ditugu ukatu behar bizitzak gozatzeko ematen dizkigun aukerak. Emakume zaharkituak zergatik lotsatu behar du bere sexuaren grinaz? Bere gorputza osatzen duten zimurrez? Gehiegizko pisuaz edo bere ile urdinaz?

Mari Luz Estebanek guzti hori olerkia bilakatzen du, emakumeen ahalduntzeari kantatzen dio, eta ozenki esaten digu, bizitza bakarra dugula, bizi gaitezen zoriontsu, alai eta emakume aske izaten.

Hemen eskuragai.

Mugimendu feminista, eraldaketan ispilu (Mari Luz Esteban Galarza, 2019ko Topaldian)

2020/03/22 | Elkartea

Mari Luz Estebanen hitzaldi hau errekuperatu dugu iazko Topalditik. Martxoaren 24an Karrikiri Kultur Dendara etortzekoa zen Andrezaharraren Manifestua (Pamiela) aurkeztera, baina bizi dugun egoera larriagatik eta guztion osasuna garrantzitsuena denez, aurkezpen hori aurrerago eginen dugu. Emanen dugu horren berri ere garaiz.

2019ko Topaldiak Euskaltzaleen mugimendu berritura bidean izan zuen titulu moduan. Karrikiriko zenbait kide bertan izan ginela kontatu genizuen, entzuten, ikasten eta adiskideak agurtzen. Gustura izan ginen.

Mari Luz Esteban entzutea beti da interesgarria, gogoeta mamitsuak egiten baititu, adibidez Feminismoa eta politikaren eraldaketak Lisiperen liburu gomendagarrian.

Kasu honetan, Euskaltzaleen Mugimendurako baliagarria izaten ahal diren ideiak mintzagai dituen bideoa ekarri dugu.

Ikus eta ikas:

Datozen asteetarako bisitak: Alfontso Gartziandia (O19), Fernando Rey (O27), Lorea Agirre (M10), Idurre Eskisabel (M10), Irati Goikoetxea (M11), Leire Alonso (M11), Kike Amonarriz (M17), Mari Luz Esteban (M24)

2020/02/15 | Liburu aurkezpenak

Kaixo adiskide,  

Hauek dira hilabete bukaera eta datorreneko ekitaldien hitzorduak:  

  • Otsailaren 19an asteazkena, 19.30ean: ITSU KOLPEKA (Alberdania) liburuaren aurkezpena (ALFONTSO GARTZIANDIA)
  • Otsailaren 27an, osteguna, 19.30ean: DEN-DENA NAHI DUGU (Katakrak) liburuaren aurkezpena (FERNANDO REY)
  • Martxoaren 10an, asteartea 19.30ean: TRIKUA ESNATU DA (Lisipe) liburuaren aurkezpena (LOREA AGIRRE eta IDURRE ESKISABEL)
  • Martxoaren 11n, asteazkena, 19etan: Matematika eta Literatura solasaldi musikatua (IRATI GOIKOETXEA eta LEIRE ALONSO)
  • Martxoaren 17an, asteartea, 19.30ean: EUSKARAREN BIDEGURUTZETIK (Elkar) liburuaren aurkezpena (KIKE AMONARRIZ)
  • Martxoaren 24an, asteartea, 19etan: ANDREZAHARRAREN MANIFESTUA (Pamiela) liburuaren aurkezpena (MARI LUZ ESTEBAN)

Etorri eta goza gurekin. Sarrera librea izanen da beti.