2016/05/27 | Berriak
Gaur hasi eta datorren aste osoan zehar, gure dendan eskura daitekeen liburu guztiak %10eko beherapenarekin jaso ahalko dira. Zer dela eta? Gaztelu Plazan antolatu den liburu azokarekin batera gure liburu azoka berezia egin nahi dugu.
Azken egun hauetan karrikaratu diren nobedadeak, betiko eleberriak, saiakera, olerkiak, haur eta gazte literatura… eta askoz gehiago Xabier karrikako zure euskal dendan!!
Ordutegia
Astelehenetik-ostiralera 10.00-13.30 eta 17.00-20.00
Larunbatetan: 10.30-14.00
2016/05/9 | Berriak, Maiatzaldia
Iruñetik Baionara eta buelta!
Hementxe antolatutakoaren egitaraua:
Maiatzaren 16an, Iruñean
17:30. Ibilbidea Alde Zaharrean barna. “Hiri Buruzagia: euskara eta literatur bideak mendez mende”, Enrike Diez de Ultzurrunen eskutik, Sustrai Colina eta Saioa Alkaiza bertsolariak bidelagun hartuta. Topalekua: Artxibo Nagusiaren atzealdean, harresietan. Apailatzaile eta babeslea: Zaldiko Maldiko elkartea.
19:00. Kondestable Jauregian: Maiatz aldizkari eta elkartearen aurkezpena eta Iparraldeko idazleen happeninga
20:00. Kondestable Jauregian Iruñeko idazleen testu irakurketak
20:45. Agurra eta gomita Iruñeko idazleei Baionara maiatzaren 24erako
21:00. Zaldiko Maldiko elkarteak eskaini otamen ederra.
Karrikiri elkarteak Baiona aldeko idazleen liburu erakusketa berezia muntatzen du egun hortan. Bestalde, maiatzaren 9tik 21era Karrikiri euskal dendan Iruñerriko eta Baionako sortzaileen liburu eta disko erakusketa izanen dugu.
Maiatzaren 25ean, Baionan
18:00. Baionako bisita bertsolariekin
19:30. Euskal Museoan “itzulpengintzaz” mahai ingurua
21:00. Iruñeko idazleen ekitaldi happeninga (errezitaldia)
22:00. Agurra eta afaria elgarrekin
Antolatzaileak: Maiatz Elkartea, Karrikiri Elkartea, Zaldiko Maldiko Elkartea, Euskal Idazleen Elkartea, Senpereko Hatsaren Poesia, Iruñea-Baiona Jumelage, Nafar Ateneoa eta Iruñeko Udala
2016/04/22 | Berriak
Bihar Liburuaren Eguna ospatzeko %10eko deskontua eginen dugu erosten dituzuen liburuetan. Baina bizkor ibili, zeren bihar bakarrik izanen duzu horelako aukera!!
2016/02/15 | Berriak, Liburu aurkezpenak
“Haurrek beharrezkoa dute natura. Berez zaie erakargarria. Naturarekiko kontaktuan, modu osasungarrian garatzen dira arlo guztietan: arlo fisikoan, emozionalean, mentalean, sozialean eta espiritualean. Aire zabalean eta biziarekiko interakzioan egotea (behintzat leku itxietan egoten diren bezain luzaro) haurren oinarrizko eskubidea izan (eta hala erabili) beharko litzateke gure gizarteetan.
Hori lortzeko bidean inplikatzeko prest dauden pertsona, guraso eta hezitzaile guztiei zuzenduta dago liburu hau.
Txatxilipurdi Aisia Euskaraz elkarteak, Oier Nafarrete Lasueren eskutik, Heike Freireren “Berdean hezi” liburua aurkeztuko digu.
Data: otsailaren 17an, asteazkena
Ordua: arratsaldeko 18.00etan
Lekua: Karrikiri Elkartean (Xabier karrika, 4 Iruñea)
2015/10/20 | Berriak
Jon Alonsoren azken liburuan aurrekoaren ildotik jarraituko dugu.
Oraingoan ere, Enekoitz Ramirez, “Lanbas” etakide ohi eta sasi detektibea dugu protagonista bezala. “Hiri hondakin solidoak” eleberri beltz honek Euskaltzaindira, unibertsitatera eta Bartzelonara eramango gaitu, besteak beste.
Ohikoa den bezala, umore garratzak, ironiak eta bazterreko pertsonaiek osatuko dute historiaren mosaikoa. Haizea hartzeko astirik gabe, irakurlea hasieratik harrapatuta sentituko da, beti irrikan hurrengo kapituluan zer gertatuko den jakiteko. Zinez, liburu oso entretenigarria, maisuki idatzia. Ziur gaude ez zarela damutuko!!
Prezioa: 18€
