Katakrak Archives • Karrikiri

Indarkeriaz (Hannah Arendt)

2021/09/27 | Liburu gomendioak

Hannah Arendt XX. mendeko filosofo eta politika pentsalari handienetariko bat zen. Judutar izanik
nazismoaren jazarpena pairatu zuen, Alemaniatik ihes egin behar izan zuen A.E.B.etan aterpe hartzeko eta han geratu zen aurrerantzean.

Lan hau argitaratu zenean, 1970an, Vietnamgo gerla puri-purian zegoen eta indarkeriaren inguruko eztabaidak oso sutsuak ziren, bai alde, bai aurka aldean zeuden pertsonen artean. Testuinguru horretan plazaratu zuen Hannah Arendtek honako saiakera hau eta 50 urte pasa badira ere, ez du galdu gaurkotasunik beraz, esan dezakegu testu filosofiko klasiko baten aurrean gaudela.

Hemen eskuragai.

INDARKERIAZ (Hannah Arendt, Katakrak) Liburu aurkezpena: Irailak 22 (asteazkena), 19:30

2021/09/10 | Liburu aurkezpenak

INDARKERIAZ (HANNAH ARENDT, Katakrak)

Irailak 22, 19.30ean
Karrikiri Elkartean (Xabier karrika 4, Iruñea)

Parte-hartzaileak:
Itziar Diez de Ultzurrun, itzultzailea.
Mario Zubiaga, hitzaurrearen egilea.

2019-2020an Karrikirin aurkeztutako liburuak: Nerea Balda, Eduardo Galeano, Bernardo Atxaga, Unai Elorriaga, Nanni Balestrini, Alfontso Gartziandia, Lorea Agirre, Idurre Eskisabel…

2020/03/16 | euskaldenda, Jarduerak

Hauek izan dira kurtso honetan, 2019-2020 kurtsoan, gurean, Karrikirin (Xabier karrika 4n) aurkeztu diren liburuak

Irailaren 19an, Nerea Baldak Atzerrian(Pamiela Etxea ) liburua aurkeztu zuen.
Urriaren 24an, Pello Agirre itzultzaileak , Susan Buck-Morss-en Izuaren osteko gogoeta (Katakrak) liburua aurkeztu zigun

Azaroaren 7an, Mikel Vilches (itzultzailea) eta Garazi Arrula (editorea) hurbildu zitzaizkigun Eduardo Galeanoren Emakumeak (Txalaparta) liburua aurkeztera.
Azaroaren 26an, Unai Elorriaga Iturria (Susa) liburua aurkezten egon zen.
Azaroaren 27an, Bernardo Atxaga Etxeak eta hilobiak (Pamiela Etxea ) eleberria aurkezten izan genuen eta horretarako Plazara zentro komunitariora mugitu ginen.
Urtarrilaren 23an, Beñat Sarasolak Munduko Poesia Kaierak
(Susa) bildumaren berri eman zigun.
Otsailaren 19an, Alfontso Gartziandiaren ITSU KOLPEKA (Alberdania) liburuaren aurkezpena
Otsailaren 27an, Nanni Balestriniren DEN-DENA NAHI DUGU (Katakrak) liburua aurkeztu zigun Fernando Reyk, itzultzailea bera izan baita.
Martxoaren 10ean, Lorea Agirre eta Idurre Eskisabel izan genituen, Trikua esnatu da (Lisipe) liburua aurkezten.

DEN-DENA NAHI DUGU

2020/02/21 | Liburu aurkezpenak

Istorio bizi bat. Ezintasunari, krisi ekonomikoari, migrazioari, politikari buruzkoa. Pertsonaia bat. Etorkina, adarra joko diote baina ez da geldirik egongo. Poesia bezain zaindua eta mito gisa ere funtzionatu duena belaunaldi askorentzat.

Otsailaren 27an, Karrikirin, 19:30ean.

Datozen asteetarako bisitak: Alfontso Gartziandia (O19), Fernando Rey (O27), Lorea Agirre (M10), Idurre Eskisabel (M10), Irati Goikoetxea (M11), Leire Alonso (M11), Kike Amonarriz (M17), Mari Luz Esteban (M24)

2020/02/15 | Liburu aurkezpenak

Kaixo adiskide,

Hauek dira hilabete bukaera eta datorreneko ekitaldien hitzorduak:

Otsailaren 19an asteazkena, 19.30ean: ITSU KOLPEKA (Alberdania) liburuaren aurkezpena (ALFONTSO GARTZIANDIA)
Otsailaren 27an, osteguna, 19.30ean: DEN-DENA NAHI DUGU (Katakrak) liburuaren aurkezpena (FERNANDO REY)
Martxoaren 10an, asteartea 19.30ean: TRIKUA ESNATU DA (Lisipe) liburuaren aurkezpena (LOREA AGIRRE eta IDURRE ESKISABEL)
Martxoaren 11n, asteazkena, 19etan: Matematika eta Literatura solasaldi musikatua (IRATI GOIKOETXEA eta LEIRE ALONSO)
Martxoaren 17an, asteartea, 19.30ean: EUSKARAREN BIDEGURUTZETIK (Elkar) liburuaren aurkezpena (KIKE AMONARRIZ)
Martxoaren 24an, asteartea, 19etan: ANDREZAHARRAREN MANIFESTUA (Pamiela) liburuaren aurkezpena (MARI LUZ ESTEBAN)

Etorri eta goza gurekin. Sarrera librea izanen da beti.

« Older Entries