Azken hitzaldi musikatura iritsi gara. Hurrengo ekainaren 10ean, eguerdiko 12:00etan, Aguxtin Alkhaten lanaz gozatzeko aukera izanen dugu.
Musikari baxenafarrak bere lanaz hitz eginen du udaberriko Hitzen Hotsakeko azken saioan. Aurrekoetan bezala sarrerak 6€ eta puntualitatea eskatuko da!
Animatzen?
Ilbeltzaren 15etik 21era, Baztanen, Euskal Nobela Beltzaren Astea antolatu dute. Hitzaldia, mahai ingurua, filma, ipuin antzeztua… Itxaro Bordak dioen bezala, krimen bakarra huts egitea da.
Egitarauaren aurkezpena, 10ean, 17:00etan, Karrikirin.
Haur eta Gazte literatura hamabostaldian guztiz murgilduak gaude. Aste bete pasa da hamabostaldi honi hasiera eman genioenetik, eta orain bigarren astearekin batera, programatutako bigarren hitzaldiaren berri ematera gatoz.Literatura unibertsala, berdintasunezko elkarrizketa, elkarrekintza librea eta ikaskuntza bat doaz talde irakurketa jarduera arrakastatsu honetan.
Solasaldi irekiak dira pertsona orori literatura klasiko hurbiltzeko daukagun tresnarik eraginkorrena, askotan sortutako harresi akademikoak deseginez. Ahozko hizkuntzaren bidez testu klasikoen edukiak gaurko, atzoko eta betiko mintzagaiekin erlazionatuz. Pertsonen eraldaketa helburu izanda irakurketaren didaktika berritzeko apustua da.
Berrinaugurazioari bukaera emateko primerako gonbidatua, Miren Amuriza.
Liburu ilustratuei buruz hitz eginen du gaur arratsaldean, 19:30ean. “Konta iezadazu ipuin bat” da hitzaldiaren izenburua eta berak idatzitako artikulu batean oinarritua dago. Gustatuko zaizulakoan gaude!
Miren Amuriza
bertsolaria da, “Bainera bete itsaso” liburua idatzi du, Pirritx Porrotx eta Marimotots liburuak idatzi ditu, Berria Egunkarian kolaboratzaile da eta “Paperezko txoriak” proiektuagatik 2017 Igartza saria jaso du.
Hitzaldia doan da, aforoa bete arte!
Karrikiri Iruñeko Euskaldunon Topaguneak liburu aurkezpen, bertso saio eta hitzaldi baten bidez berrinauguratuko du denda berria. Bi hilabetez denda itxita egon ondoren, irailaren 26an ireki zen Xabier kaleko denda.
Ekitaldi nagusia, urriaren 21ean, larunbatarekin, gauzatuko da. Goizeko 12:00etan, Maialen Lujanbio eta Julio Soto bertsolariak bertsotan hasiko dira, gurera hurbiltzen den orok denda berrituaz bertso saio baten bidez goza dezan.
Egitaraua borobiltzeko, urriaren 19an, “Egile berriendako literatur lehiaketa 2016” liburuaren aurkezpena eginen da. Hiru saridunak gurera hurbilduko dira: narrazio atalean, Ander Perez Argote “Lehen malutak” testuaz ariko da; olerki atalean, Iban Garro Alzuri “Hidris-en aulkia”rekin; eta bertso-paperetan, Julio Soto Ezkurdia “Nor naiz?” lanarekin. Arratsaldeko 19:30ean emanen diogu hasiera berrinaugurazio honetako lehendabiziko ekitaldiari.
Eta bukatzeko, urriaren 25ean, 19:30ean, Miren Amurizarekin haur liburu ilustratuei buruz hitz eginen dugu. Miren Amurizak “Konta iezadazu ipuin bat” izenburupean eskainiko du hitzaldia.
Urriaren 19an, 19:30ean, “Egile berriendako literatur lehiaketa 2016” liburu aurkezpena
Urriaren 21ean, 12:00etan, Maialen Lujanbio eta Julio Soto bertsolariak
Urriaren 25ean, 19:30ean “Konta iezadazu ipuin bat” Miren Amurizaren eskutik