Munduan barna ibilitakoa da Thierry Biscary musikaria. Kalakan taldearen sortzaileetakoa da. Oraingoan, soinean bestelako jantziz apaindua ikusi dugu. “Manez eta kobreak” izeneko taldea osatu du; Mintxo Garaikoetxea, Ana Telletxea, Laura Etchegoyhen, Bixente Etchegaray eta Vianeey Desplantes musikariak bildu ditu bertan.
Anhauzeko musikariak, sorterria izan du gogoan eta erroei omenaldia egin nahi izan die. Manez, aitatxi zenaren izengoitia hartu du proiektua aurkezterako orduan. Lekukotasun intimoa ematea izan du helburu, eta ahaide, auzokide edo lagunen bizipenak kontatzea.
Metalezko musika tresnekin lan egiteko gogoa asetu omen du disko berri honetan. Ahotsek duten protagonismoa ere nabaria da lan berri honetan, taldekide guziek izan baitute kantuan aritzeko aukera.
Agosti Xahok hainbat arlo jorratu zituen: idazlea, kazetaria, foruzalea, independentista, errepublikarra, pentsalaria, eragilea, baina batez ere bidegilea izan zen. Berak asmatu zuen Euskal Herriari buruzko hainbat kontu eta kondaira batzuk, bere tesiek kasu batzuetan ez zuten ez bururik ez buztanik baina bide bat ireki zuten. Egia da bere euskal kosmobisioa oso urrun dagoela egun dugunetik, baina ezin dugu ahaztu aitzindari bat izan zela, horregatik guztiagatik merezi du liburu hau irakurtzeak.
Karlismoaren lehenengo matxinadan Agosti Xaho Nafarroara etorri zen karlistada eta euskal independentziaren alde borrokatzeko. Karlistak ez ziren fio “frantziar errepublikar” horretaz eta berehala kanporatu zuten.
Bidaia horren lekukotza gisa geratu da liburu hau, eta merezi du Agosti Xahoaren pentsamendura hurbiltzeko.
Txuma Flamarike gitarrajolearen azken proiektua da Zaratamakers izenekoa. Rock amerikarraren iturritik edandakoa da eta eragin hori erraz nabari da Atarrabiakoaren azken abenturan. «Eboluzioa» izeneko lan berria osatzeko hiru lagun bildu ditu ondoan; Iker Bengoetxea kantaria, Jon Uribeetxeberria bateria eta Oscar Muñoz baxua.
Hamaika kantuz osatzen da lana. Hitzak, Bengoetxeak sortuak dira eta konposizioak berriz Flamarikek eginak dira. Melodia sarkorrak eta rock & rollaren esentzia mantentzen duten doinuak dira nagusi Zaratamakers taldearen estreinako lanean.
Blues doinuek ere badute beren tokia, «Aurrezblues» izeneko kantua sorpresa bikaina da, Iker Bengoetxea kantariak abilezia berezia erakutsi baitu interpretazio lanean.
Elkar ekoiztetxeak argitaratutako eta babestutako CDa da.
Revolta Permanent taldeak jada karrikan du bere azken lana, orain arteko proiekturik garrantzitsuena.
Lan egiteko modua erabat ezberdina izan da oraingo honetan, estatuko zortzi produktore ezagunekin hitzegin eta haien esku utzi dituzte kantuak. Bakoitzak nahi izan duen tankera eman dio egokitutako kantuari, nahasketak egitea izan da haien ardura. Prozesuaren bukaeran New Yorkera bidali eta bertako Cannon Found Soundation ekoiztetxe ospetsuak egin du masterizazio lana.
Honek guztiak esperientzia berezia bilakatu du “Ultravioleta” lana. Emaitzari energia dario alde guzietatik. Taldearen esentzia mantentzea ere lortu dute, Hip- Hop, elektronika eta metal doinuak dira nagusi Revolta Permanenten lan berrian.
Otsailean, Bilboko Kafe Antzokian aurkeztu eta jada hasi dira Euskal Herriko plazak astintzen.
Izaro kantariak bere lan berria karrikaratu du jada, “Eason” izena jarri dio bigarren lanari. Lehenego lanak, “Om” izeneko hark izandako arrakasta liseritzeko denbora behar izan duela aitortu du. Ahotsik gabe geratu zeneko esperientzia hartatik, gorputza entzuten eta adi jarraitzen ikasi duela dio.
Bi urte beranduago indarberriturik agertu da kantaria, eta estilo ezberdinetan jostetan aritzeko baimena ere eman omen dio bere buruari. Inoiz baino gehiago disfrutatu du kantuak osatzerako orduan. Iker Lauroba Alonso, Oriol Flores Arisa, eta Julen Barandiaran Blanco dira Izarorekin lanean ari diren musikariak.
Erraietatik abesten duen musikaria da Mallabiarra, sentiberatasun handikoa eta hunkigarria askotan. Hasi eta bukatu entzulea harrapatuko duen lana da “Eason”.
Webgune honek cookie-ak erabiltzen ditu zure nabigazioa errazteko, publizitatea erakusteko eta analisi estatistikoak egiteko. Nabigatzen jarraitzen baduzu, hauen erabilera onartzen duzula ulertuko dugu. Informazio gehiago nahi baduzu, kontsultatu Cookie PolitikaOnartu
Privacy & Cookies Policy
Privacy Overview
This website uses cookies to improve your experience while you navigate through the website. Out of these cookies, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may have an effect on your browsing experience.
Necessary cookies are absolutely essential for the website to function properly. This category only includes cookies that ensures basic functionalities and security features of the website. These cookies do not store any personal information.
Any cookies that may not be particularly necessary for the website to function and is used specifically to collect user personal data via analytics, ads, other embedded contents are termed as non-necessary cookies. It is mandatory to procure user consent prior to running these cookies on your website.