Bi autorek gai sakonak eta gaurkotasun handiko eztabaidak plazaratu zituzten, bertaratzen zirenentzat hausnarketa interesgarriak eskainiz.
Esker mila gerturatu zineten guztioi!🤗
Euskaltzaleen Topaguneko Iñaki Sagardoi eta 
Oskar Zapata gonbidatu ditugu, 2019ko Euskaraldiaren balorazioa egiteko eta datuak azaltzeko. Ariketa honekin izandako bizipenak, iaz bizitakoak, ezustekoak partekatzeko aukera eskaini nahi dugu. Barruak ustu, indarberritu eta aurrera ekiteko.
Hitzordua gaur, 19:30ean, Karrikirin, sarrera musu-truk.
Bigarren saiora Jon Sarasua hurbilduko zaigu. Bertsolari, irakasle, Garabidekide eta besteak bete, Hiztunpolisa liburuaren egilea. Euskaltzaleen autoeraketaren gaitasunaz arituko da. Aurrera begira, euskaltzaleek ditugun erronka eta aukereren inguruan hitz egingo du. Ideiak, berritu, freskatu baliogarri izango dela uste dugu. Beti baita interesgarria Jon Sarasua entzutea, beti baita interesgarria hausnartzea. Eta oraingoan, biak batera egingo ditugu.
Apirilaren 16an, asteartearekin, arratsaldeko 19:30ean.
Feminismoa bidelagun, hiztun komunitatea indarberritzen tituluarekin dator aurtengo Udaberriko pilulak zikloa. Martxoaren 12tik 26ra, astelehenero, Udaberriko pilulak zikloa garatuko dugu.
Egitaraua:
– Martxoaren 12an, 19:00etan, “Euskalgintza eta Feminismoa: bidaikidetza oparo posible bat” Lorea Agirre eta Idurre Eskisabelekin.
– Martxoaren 19an, 19:00etan, “Ba al dago hizkuntza neutrorik? Euskara generoz ere mintzo da” Jone Miren Hernandez eta Jaime Altunarekin
– Martxoren 26an, 18:00etan, “Iruñea: emakumeen hiria” ibilbidea Iruñeko Alde Zaharra barna Ana Diez de Urerekin.
Eta horrela, ibilbide literarioarekin emanen diogu amaiera Udaberriko Pilulak: indarberritzeko solasaldiak zikloari. Jon Alonso idazle iruindarrak prestatutako ibilbidean parte hartu nahi baduzu, Karrikiri euskal dendako atarian arratsaldeko 19.00etan elkartzea proposatzen dizugu.
Taldetxoa osatu eta “Txakolina Iruñeko edaria zenean” ibilbide literarioarekin hasiko gara. Hala ere, lasai, zeren 19.00etarako iristen ez bazara, bisitatuko diren edozein tabernetan batu zaitezke.
Hementxe ibilbidea: Leiho (Xabier karrika 7), El vallado (Udaletxe plaza), Calixto (San Frantzisko kalea) eta Kandela (Indatxikia 14).
Mila esker zikloan parte hartu duzuen guztiei!!
Iturria: Topatu.eus
Auzia ez da izan ala ez izan.
Nolako edo halako izan. Kontua ez da hori.
Kontua ekitea da.
Egitea.
Egiten duguna gara.
Izatea egitea da.
…….
Udaberriko Pilulak: indarberritzeko solasaldiak zikloaren bigarren saioan Lorea Agirre kazetariak “Bagar nor” Korrikako mezuak gorde duena kontatuko digu. 20. Korrika Iruñean amaitzen dela aprobetsatuz, Bilbon irakurritakoa gogoratuko du Karrikiri Euskaltzaleon Topagunean heldu den ostegunean arratsaldeko 19.00etatik aurrera.
Eta hurrengo egunean, apirilaren 7an, ostirala, Jon Alonsok ibilbide literarioa eskainiko digu Iruñeko alde zaharreko karriketatik. Umorez, literaturaz mintzatzen eta txakolinarekin emanen diogu bukaera Udaberriko pilulak zikloari. “Txakolina Iruñeko edaria zenean” izanen da zikloaren azken saioa.
Saio guztiak 19.00etan hasiko dira, Xabier karrika 4an.
Duela bi urte Bilbon irakurritako Bagara nor mezuaz arituko da Lorea Agirre apirilaren 6an, Karrikirin. Lorea Agirrerekin jarraituko dugu zikloa eta bukatzeko, hurrengo egunean, Jon Alonso idazleak ibilbide literarioa eginen du arratsaldeko 19.00etatik aurrera.
Atzo, Garikoitz Goikoetxearekin eman genion hasiera “Udaberriko Pilulak: indarberritzeko solasaldiak” zikloari. Berriako kazetariak Euskara irabazteko bidean liburua aurkeztu zigun gerturatutako irakurzaleoi.
Hementxe datak eta orduak:
– Lorea Agirre “Bagara nor” Korrikako mezuak gorde duena, apirilaren 6an.
– Jon Alonso “Txakolina Iruñeko edaria zenean”, apirilaren 7an.
Saio guztiak arratsaldeko 19.00etan hasiko dira. Aforoa bete arte.