2018/11/6 | Haur eta gazte literatura, Jarduerak
Urrian aurkezpenak izan genituen bezala, oraingo honetan hau eta gazteen txanda da eta horretarako, Haur eta Gazte Literatura Hamabostaldiari hasiera emanen diogu:
Azaroaren 6an, asteartea, Juan Kruz Igerabide izanen dugu gurean, saritua izan den Irudimenaren alfabetoa aurkezten.
Azaroaren 13 an Etxepare sarien inguruan izanen dugu Castillo Suarez. Baita Dani Martirena ere, Cosimoren Kaituskak liburuarekin.
Eta zikloa bukatzeko, Yolanda Arrieta etorriko da azaroaren 20an.
Hitzen hotsak zikloan parte hartu duzuenontzat, eskerrik asko. Anje Duhalderen hitzaldian bikain portatu zineten eta giro ezin hobea sortu genuen denon artean.
18an etorriko da Izaro, eta sarrera lortu duzuenendako, espero dugu goxotasunez igarotzea igande hori. Seguru baietz!
Duela hilabete batzuk prestatzen hasi zen ariketa soziala hasiko da azaroaren 23an. Zu zer izanen zara? Ahobizi eta belarriprestak ikusteko irrikaz gaude. Oraindik izena eman ez baduzu, Karrikirin eman dezakezu, edo internet bitartez (www.izenematea.euskaraldia.eus) . Gogoratu izena emateko epea zabalik egonen dela 22ra arte.
Oraindik hilabete luze geratzen da eguberrietarako, baina pentsatu duzue zer eskatu Olentzerori? Dendatik pasa eta ideiak hartu; liburuak, musika, arropa… Eta iazko euskal jantzia txiki gelditu bazaizu, aukera bikaina duzu berritzeko. Ez ezazu azken momenturako utzi!
Azkenik, Merkataritzan Euskaraz martxan da. Urtero bezala, 2019an establezimendu euskaldunen liburuxka kaleratuko dugu. Erosketak nonahi, euskaraz!
2018/11/2 | Haur eta gazte literatura
Urrian aurkezpenak izan genituen bezala, oraingo honetan haur eta gazteen txanda da eta horretarako, Haur eta Gazte Literatura Hamabostaldiari hasiera emanen diogu:
Azaroaren 6an, asteartea, Juan Kruz Igerabide izanen dugu gurean, saritua izan den Irudimenaren alfabetoa aurkezten.
Azaroaren 13 an Etxepare sarien inguruan izanen dugu Castillo Suarez. Baita Dani Martirena ere, Cosimoren Kaituskak liburuarekin.
Eta zikloa bukatzeko, Yolanda Arrieta etorriko da azaroaren 20an.
Gainera azaroaren 14an Egile berriendako literatur lehiaketa-n sarituak izan direnen liburu aurkezpena izanen da dendan.
2017/11/20 | Berriak, Haur eta gazte literatura
Haur eta Gazte literatura hamabostaldian guztiz murgilduak gaude. Aste bete pasa da hamabostaldi honi hasiera eman genioenetik, eta orain bigarren astearekin batera, programatutako bigarren hitzaldiaren berri ematera gatoz.
Azaroaren 22an, asteazkenarekin berriz ere,
Iosu Ihabar Urzainkik “Solasaldi dialogikoak: klasikoetatik metologiara” hitzaldia eskainiko du Karrikiri euskal dendan,
arratsaldeko 19:00etan.
Baina, zer dira solasaldi dialogikoak?? Iosuk hauxe dio:
Literatura unibertsala, berdintasunezko elkarrizketa, elkarrekintza librea eta ikaskuntza bat doaz talde irakurketa jarduera arrakastatsu honetan.
Solasaldi irekiak dira pertsona orori literatura klasiko hurbiltzeko daukagun tresnarik eraginkorrena, askotan sortutako harresi akademikoak deseginez. Ahozko hizkuntzaren bidez testu klasikoen edukiak gaurko, atzoko eta betiko mintzagaiekin erlazionatuz. Pertsonen eraldaketa helburu izanda irakurketaren didaktika berritzeko apustua da.
Irakurzaletasuna ikasleen artean sustatzeko metodologia bat baino gehiago da, non literaturaren bitartez, solasaldi desberdinak sustatuz, testu desberdinen interpretazioaz baliatuz elkarrizketa eta hausnarketa bultzatzen ditu metodologia honek.
Eta ostegunean, baina hau hamabostaldiaren programaziotik at dator,
Dani Martirenak bere lan berria aurkeztuko digu
“Jonek Jone izan nahi du” liburua. Formatu aldetik liburu berexia dugu, ezberdina, xarmanta; eduki aldetik, genero trataeran jarri du garrantzia.
2017/11/13 | Berriak, Haur eta gazte literatura
Gaur hasi gara
Haur eta Gazte literatura hamabostaldiarekin! Asteazkenean,
19:00etan, Xabier Etxaniz Erlerekin lehendabiziko hitzaldia izanen dugu:
“Obra klasikoak WhatsApparen garaian”. Denok ezagutzen ditugun klasikoak azalduko dizkigu, beste ikuspuntu bat emanen digu eta literatura klasiko WhatsApparekin nola bizi den ere kontatuko digu.
Xabier Etxaniz Erle ezagutzen ez duzuenendako hementxe bere biografia laburbildua: UPV/EHUko irakaslea Gasteizko Hezkuntza eta Kirol Fakultatean da. Haur eta Gazte Literaturako hainbat libururen egile, azken urteotan batez ere ikerketa lanak plazaratu ditu.
Bere lanen artean aipagarriak dira Igarkizunak (Elkar, 1986), Zer dela eta zer dela (Pamiela, 1993), Puntan punta bat (Haur Folklorearen bilduma )(Pamiela, 2007) eta Geure ipuinak (Pamiela, 2000). Ikerketa arloan, berriz, Euskal haur eta gazte literaturaren historia (Pamiela, 1997), Literatura eta ideologia (Utrisque Vasconiae, 2007), 90eko hamarkadako Haur eta Gazte Literatura (Pamiela, 2005) eta XXI. Mende hasierako haur eta gazte literatura (Arabako Foru Aldundia, 2011), azken bi hauek Manu Lopezkin batera.
Horretaz gain, Euskal Herriko nahiz kanpoko aldizkari askotan kolaboratu ohi du haur eta gazte literaturaren inguruan.
Hitzaldia, arratsaldeko 19:00etan, Karrikirin. Aforoa bete arte.
2017/11/8 | Berriak, Haur eta gazte literatura, Liburu aurkezpenak
Bai, azaroko agenda bete betea dugu!!
III Haur eta Gazte literatura hamabostaldiaz aparte, beste gauza batzuk prestatu ditugu… segi irakurtzen:
– Azaroaren 11n, larunbatean, Julen Garatek “Argi estalia” liburua aurkeztuko du, eguerdiko 12:00etan. Hemen ikus dezakezu Eitbko Ahoz aho programan egindako elkarrizketa.
– 16an, asteazkenarekin, Asisko Urmeneta komikiegileak bere azken lana “EuSKLABO ALAIAK” aurkeztuko digu. Aurkezpena arratsaldeko 19:30ean da. 
– 23an, ostegunarekin, Dani Martirena eta Ana Ibañezekin “Jonek Jone izan nahi du” liburua aurkeztuko digute. “Hankaz gora du amak mundua” lanarekin ezagutu genituen, eta orain, liburu ezberdin honekin euskal dendara hurbilduko dira. Arratsaldeko 19:30ean, Karrikirin.
2017/11/6 | Berriak, Haur eta gazte literatura
Hirugarren urtez Karrikiri euskal dendak haur eta gazte literatura hamabostaldia antolatu du. Aurten aukeratutako gaia literatur klasikoa da, klasikoen erakusketaz gain, bi hitzaldi antolatu ditugu:
Azaroaren 15ean, Xabier Etxanizek “Obra klasikoak WhatsApaaren garaian” hitzaldia eskainiko du, eta azaroaren 22an, Josu Ihabarrek “Solasaldi dialogikoak: klasikoetatik metologiara” gaia jorratuko du.
Hitzaldiak 19:00etan hasiko dira eta sarrera librea izanen dugu, aforoa bete arte.
