Atzo Miren Amuriza (idazlea) eta Malen Amenabar (ilustratzailea) gurean izanen genituen ANASTASINI ZIRKUA liburua aurkezten.
Solasaldia zoragarria izan zen. Eskerrik asko bertaratu zineten guztioi
Liburuaren Arbola erakusketa ibiltaria aurkeztu genuen atzo Iruñeko Hizkuntza Ofizialean.
Euskararen Etxeko kide eta Azkue Fundazioko arduradun Iurdana Acasuso Iruñeko Hizkuntza Eskola Ofizialean izan da gaur, Liburuaren Arbola erakusketa ibiltaria aurkezten. Aurkezpenean parte hartu dute, halaber, Iruñeko Hizkuntza Eskola Ofizialeko kideek eta Karrikiri euskara elkarteko kideek.
Liburuaren Arbolak Bizkaiko mugak gainditu ditu lehenengoz, eta Iruñean hartu du lur. Erakusketa urtarrilaren 23ra arte egongo da ikusgai Nafarroako hiriburuan, hango Hizkuntza Eskola Ofizialean. “Guretzat inportantea da Liburuaren Arbola Iruñean egotea”, azpimarratu du Iurdana Acasusok. “Izan ere, honako hau da Bizkaitik irteten dugun lehenengo aldia. Leiho berri bat ireki dugu Iruñean, leiho garrantzitsu bat, Euskararen Etxean egiten dugun lana zabaltzeko tartea eskaintzen digu-eta”, esan du.
Erakusketa Bizkaiko hainbat udalerritan egon da ikusgai orain arte. Alabaina, Iruñeko egonaldiari begira, eduki batzuk berritu dira, hala nola, euskara hutsezko liburuen kopuruari buruzko azalpenak eta liburu-azalen atala. Era berean, euskaraz kaleratutako azken hogei liburuen azalak ikusgai daude erakusketako paneletako batean. “Liburua elementu unibertsala da, baina erakusketa honekin, euskararen begietatik gerturatuko gara bertara, idazleengana, ekoizpen lanetara, interpretazioetara”. Gonbita egina dago, beraz. Iruindarrek eta inguruko herritarrek 09:00 – 14:00 / 16:00 – 20:00 ordutegian bisitatu ahalko dute Liburuaren Arbola.
Bisita gidatua ere bai
Liburuaren Arbola Gorka Arresek apailatu du. Hori dela eta, kazetari eta editore ohiak bisita gidatua eskainiko du urtarrilaren 20an, 17:30ean. Bisita debalde eskainiko da. Interesdunek Karrikiri elkartearen dendan eman beharko dute izena. (Xabier karrika, 4 – Iruñeko alde zaharra)
Berria: “Leiho berri bat zabaldu dugu Iruñean” – Euskararen Etxea
Linguae Vasconum Primitiae liburuaren eta hari lotutako CDaren aurkezpena izan zen aurreko ostiralean Koldo Azkonaren eskutik, Danserie Ensemble musika taldearen partaidetzarekin.
Saio horretan, Bernart Etxeparen obra esanguratsu hau ikusteko aukera izan genuen Zaldiko Elkartean, musikaren eta literaturaren arteko uztarketa berezi baten bidez.
Eskerrik asko bertaratu zineten guztioi!
Atzo PLEIBAK saioan, literaturaren eta bertsolaritzaren arteko uztarketa ezin hobeaz gozatu genuen.
Miren Amurizaren nobelaren pasarte hautatuen irakurketa musikatuak eta bat-bateko bertsoaldiak tartekatu ziren : testuetan oinarritutako gaiak landuz batzuetan, eta aktualitateko gaiei buruz hausnartuz besteetan.
Musikak, bertsoek eta literaturak elkarrizketa berezi bat sortu zuten eszenatokian, eta publikoak testuaren, kantuaren eta musika bizitzearen arteko harmoniaz gozatzeko aukera izan zuen.
Eskerrik asko gerturatu zineten guztioi!
📚 Hasier Larretxea eta Anjel Lertxundi idazleek beren azken lanak aurkeztu zituzten larunbatean elkarlanean: Idaztea gibelera zenbatzen ikastea da eta Berbelitzen hiztegia.
Iruñeko Kondestable Jauregian, goizeko 11:00etan izan zen
Santi Leoneren gidaritzapean, idazleek beren liburuak eta horietan landutako gaiak sakon aztertu zituzten.
Eskerrik asko gerturatu zineten guztiei! 🌟
Iñaki Perurenak bere azken lana, Harria bidelagun, aurkeztu zuen atzo Iruñeko Hizkuntza eskolan.
Harri-jasotze tradizioa, historia eta literatura uztartzen dituen figura handi baten lana gertutik ezagutzeko aukera izan genuen. 😊
Esker berezienak Fermin Erbitiri eta bertaratu zineten guztioi🌠
